Times of Maharashtra India vs Pakistan cricket : भारतीय क्रिकेट चाहत्यांसाठी हा रविवार सुपर संडे ठरणार आहे. कारण या रविवारी भारत आणि पाकिस्तान पुन्हा एकदा खेळाच्या मैदानात आमने – सामने येणार आहेत.भारत आणि पाकिस्तान सामना म्हटलं की क्रिकेट चाहते टिव्ही समोर अगदी चिटकून बसतात. हा सामना बघणं प्रत्येकांसाठी रंजक असतो. मागे भारताने पाकिस्तानला हरवत आशिया कप ची ट्रॉफी जिंकली. आता पुन्हा असाच सामना 16 नोव्हेंबर रविवारी रंगणार आहे. त्यामुळे रविवारची सुट्टी क्रिकेट चाहत्यांसाठी खास असणार आहे. आज पासून एशिया कप रायजिंग स्टार्स २०२५ सुरू होणार आहे . या स्पर्धेत 8 संघ लढणार आहेत. ज्यात भारत, श्रीलंका, बांगलादेश, अफगाणिस्तान अ आणि पाकिस्तानसह ओमान, हाँगकाँग आणि यूएई या संघांचा समावेश असणार आहे.
या स्पर्धेतील ८ संघांची २ गटात विभागणी केली आहे. भारत आणि पाकिस्तान या दोन्ही संघांचा ब गटात समावेश करण्यात आला आहे. भारतीय अ संघाचा पहिला सामना १४ नोव्हेंबरला यूएईविरूद्ध होणार आहे.
रविवारी होणार भारत विरुद्ध पाकिस्तान सामना.
या स्पर्धेत 16 नोव्हेंबर रविवारी भारत विरुद्ध पाकिस्तान सामना रंगणार असून भारताकडून वैभव सूर्यवंशी मैदानात उतरणार आहे. त्यामुळे सर्वांचे लक्ष वैभव सूर्यवंशी वर असणार आहे. कारण तो पहिल्यांदाच इतकी मोठी स्पर्धा खेळणार आहे. त्यामुळे सध्या सर्व क्रिकेट चाहते रविवारची वाट पाहत आहेत.
हा सामना कुठे पाहता येणार?
एशिया कप रायजिंग स्टार्स २०२५ स्पर्धेतील सामने वेस्ट एंड पार्क आंतरराष्ट्रीय क्रिकेट स्टेडियम दोहा येथे रंगणार आहेत. तर आज भारत विरुद्ध यूएई हा सामना संध्याकाळी 5 वाजता सुरू होणार आहे. त्यानंतर पाकिस्तान आणि ओमानविरूद्ध होणारा सामना हा रात्री ८ वाजता खेळवला जाणार आहे. हे सामने सोनी स्पोर्ट टेन १ आणि टेन १ एचडी या चॅनेलवर लाईव्ह दाखवण्यात येणार आहेत . तर या सामन्याचे लाईव्ह स्ट्रिमींग सोनी लिव ॲप वर होणार आहे.
भारतीय संघात कोण कोण खेळाडू असणार?
भारतीय अ संघ: जितेश शर्मा (कर्णधार), नमन धीर (उपकर्णधार), प्रियांश आर्या, वैभव सूर्यवंशी, नेहल वढेरा, सूर्यांश शेडगे, रमनदीप सिंग, हर्ष दुबे, आशुतोष शर्मा, विजय कुमार वैश्य, युद्धवीर सिंग चरक, अभिषेक पोरेल (यष्टीरक्षक), यश ठाकुर, गुरजापनीत सिंग,सुयश शर्मा ह्या खेळाडूंचा खेळ पहायला मिळणार आहे.
