Times of Maharashtra Desk, Maharashtra Cold Wave: महाराष्ट्रात थंडीची लाट पसरली असून बहुतांश भागात तापमान बरेच कमी झाले आहे. अशातच पुण्यात तब्बल तीन वर्षांनी तापमानात विक्रमी नोंद झाली आहे. पुणे शहराच्या किमान तापमानाने एक अंकी आकडा गाठला असून पुणे शहराचं तापमान सरासरी 9.4 अंशावर येऊन पोहचलंय. त्यामुळे राज्यात शहरात हाड गोठणारी थंडी जाणवत आहे. पुण्यात मागील काही दिवसांपासून 10 अंश तापमान होतं, मात्र काल 18 नोव्हेंबर रोकी पुण्यात 9.4 अंश तापमानाची नोंद झाली असूनक पुढील काळात तापमानाचा पारा आणखी घटण्याची शक्यता हवामान खात्याने वर्तवली आहे. त्यामुळे सध्या पुणेकरांना महाबळेश्वरचा फील पुण्यातच मिळत आहे.
परभणीचे तापमान 7 अंश, हाड गोठणाऱ्या थंडीचा अनुभव
पुण्यासह परभणी आणि गोंदिया जिल्ह्यात देखील थंडीने कहर केला आहे. परभणी जिल्ह्यात ७ अंश तर गोंदिया जिल्ह्यात देखील थंडीचा जोर वाढला आहे. गेल्या काही दिवसांपासून परभणीमद्धे तापमान १० अंशाच्या खाली असून ते आंखिल खाली जाण्याची शक्यता आहे. दिवसभर हवेत गारवा असल्यामुळे परभणीकरांना हुडहुडी भरली आहे. ग्रामीण भागासह शहरात ठिकठिकाणी शेकोट्या पेटत आहेत. उबदार कपड्यांचा वापर ही केला जातोय. महाराष्ट्रात अनेक टिकणी दाट धुके पडायला लागले आसून कोकणात देखील थंडीची लाट पसरू लागली आहे. कोकणात सध्या कड्याकच्या थंडीचा अनुभव माणसाना येत असून पुढील काही दिवसात राज्यात तापमान आणखीन खाली जाण्याची शक्यता आहे.
