Times of Maharashtra Desk, Pune: महाराष्ट्र कॉस्मोपॉलिटन एज्युकेशन सोसायटीच्या उदारवर्ग प्रतिनिधी श्रेणीतील संचालक मंडळ निवडणुकीची अधिकृत अधिसूचना जाहीर झाली आहे. निवडणूक निर्णयाधिकारी अॅड. मोहम्मद अली कादरी यांनी जाहीर केलेल्या वेळापत्रकानुसार, निवडणूक प्रक्रिया १७ नोव्हेंबर ते २९ नोव्हेंबर २०२५ या कालावधीत पार पडणार आहे.
महत्त्वाच्या तारखा
१७ नोव्हेंबर- मतदार यादीचे तात्पुरते प्रकाशन
१७-१८ नोव्हेंबर – हरकती दाखल
१९-२० नोव्हेंबर – हरकतींची सुनावणी
२२ नोव्हेंबर – अंतिम मतदार यादी
२३-२४ नोव्हेंबर – उमेदवारी अर्ज वितरण
२५-२६ नोव्हेंबर – अर्ज स्वीकार (११ ते ३)
२७ नोव्हेंबर – अर्ज छाननी व तात्पुरती उमेदवार यादी
२८ नोव्हेंबर – उमेदवारी अर्ज मागे घेणे व अंतिम यादी
२९ नोव्हेंबर (स. ८ ते सायं. ५) – मतदान व नंतर मतमोजणी व निकाल
निवडणूक केंद्र आणि प्रक्रिया
सर्व प्रक्रिया हाजी गुलाम मोहम्मद अझम हॉल, भवानी पेठ, पुणे येथे होणार आहे. मतदानासाठी मतदारांनी अधिकृत ओळखपत्र (आधार, मतदानपत्र, ड्रायव्हिंग लायसन्स इ.) सोबत ठेवणे बंधनकारक आहे.
महत्त्वाच्या सूचना
केवळ वैयक्तिक हरकतींचीच दखल घेतली जाणार असून सामूहिक हरकती नामंजूर होतील.
उमेदवारांनी प्रतिनिधी अधिनियम १९५१ मधील कलम ३३नुसार अर्ज भरावेत.
मतदान गुप्तपणे होणार असून मतपत्रिका निर्णयाधिकाऱ्यांकडून पुरविल्या जातील.
कोणताही गैरप्रकार केल्यास संबंधित सदस्यास पात्रतेस अपात्र ठरविण्यात येईल.
निवडणूक अधिसूचना सर्व सदस्यांना पाठविण्यात आल्याचे सोसायटीने स्पष्ट केले आहे.
