Times of Maharashtra desk: अखेर प्रतीक्षा संपली, निवडणूक आयोगाने घेतलेल्या पत्रकार परिषदेत 246 नगरपालिका तर 42 नगरपंचायतीच्या निवडणुकांची तारीख जाहीर करण्यात आली आहे. 2 डिसेंबरला निवडणुका तर 3 डिसेंबरला लागणार निकाल. या साठी आज पासून म्हणजेच 4 नोव्हेंबर पासून आचार संहिता लागू करण्यात आली आहे.
असा असणार निवडणुकांचा आराखडा
निवडणूक आयोगाने सांगितल्या प्रमाणे 10 नोव्हेंबर पासून अर्ज घेण्याची सुरुवात होणार असून 17 नोव्हेंबर ही अर्जाची शेवटची तारीख असेल . 18 तारखेला अर्जाची छाननी करण्यात येईल. तर 21 नोव्हेंबर पर्यंत अर्ज मागे घेता येणार आहेत. 26 नोव्हेंबरला चिन्ह वाटप होणार तर 2 डिसेंबरला राज्यात मतदान होणार आहे.
राज्यात एकूण मतदार किती
राज्यात एकूण 1 कोटी 7 लाख 3 हजार 567 मतदार असून त्यात 53 लाख 22 हजार 870 महिला मतदार आहेत. याची अंतिम मतदार यादी 31 ऑक्टोबरला प्रसिद्ध झाली असून या साठी राज्यात एकूण 13 हजार कॉन्टर युनिट स्थापन करण्यात आले आहेत.
गुलाबी मतदार केंद्र
राज्यात काही भागात महिलांसाठी गुलाबी मतदार केंद्र स्थापन करण्यात येणार आहेत अशी माहिती निवडणूक आयोगाने दिली आहे . या केंद्रात सर्व अधिकार महिला असणार आहेत. दिव्यांग व्यक्ती , गरोदर स्त्रिया यांना लाइन मध्ये न राहता सर्वात पहिले मतदान करता येणार आहे .
खर्च मर्यादेमध्ये वाढ
यंदा निवडणूक लढणाऱ्या उमेदवारांना खर्च मर्यादेमध्ये वाढ करून देण्यात आली आहे . आयोगाने सांगितल्या नुसार अ वर्गातून नगरपालिकेच्या अध्यक्षापदासाठी 15 लाख तर क वर्ग नगरपालिकेसाठी 7 लाख खर्च करता येणार आहेत.
दुबार मतदारांसाठी ‘ॲप’ निर्मिती
आधीच्या निवडुकांमध्ये अनेक भागात दुबार मतदार होते. या वेळी दुबार मतदान कोणी करू नये म्हणून आयोगाकडून एका अँपची निर्मिती करण्यात आली आहे. संभाव्य मतदारांच्या पुढे स्टार चे चिन्ह देण्यात आले आहे. ज्या उमेदवारांपुढे स्टार चे चिन्ह असेल ते दोन वेळा मतदान करणार नाही याची काळजी घेण्यात येणार आहे.
निवडणुकीची तारीख जाहीर झाल्यापासून स्थानिक पक्षाने आपली रणनीती आखण्यास सर्वात केली आहे.
