Times of Maharashtra Desk, Kalyan-Dombivli Election Update : कल्याण डोंबिवली आणि ठाणे म्हणजे उपमुख्यमंत्री एकनाथ शिंदेंचा बाल्लेकिल्ला. आणि याच बाल्लेकिल्यात काही दिवसांपासून भाजप आणि एकनाथ शिंदे गटात तीव्र संघर्ष सुरू आहे. गेल्या काही दिवसात शिंदेंच्या काही कार्यकर्त्यांनी बीजेपी मध्ये प्रवेश केला आहे. त्यामुळे भाजप आणि एकनाथ शिंदे यांच्या शिवसेनेत तणाव वाढला आहे. दरम्यान, कल्याण-डोंबिवली महानगरपालिकेत शिवसेना-भाजप युती तुटण्याची स्पष्ट चिन्हे आता दिसत आहेत. रविवारी डोंबिवली येथील एका कार्यक्रमात भाजपचे प्रदेशाध्यक्ष रवींद्र चव्हाण यांनी बीजेपी स्वबळावर निवडणूक लढवणार असल्याचे संकेत दिले आहे. डोंबिवलीत रवींद्र चव्हाण यांनी अनेक विकास प्रकल्पांचे भूमिपूजन केले. मनसे कल्याण जिल्हाध्यक्ष प्रकाश भोईर हे देखील भाजप अधिकाऱ्यांसह या कार्यक्रमात उपस्थित होते.
यावेळी रवींद्र चव्हाण यांनी थेट असे म्हटले आहे की भाजप एकनाथ शिंदे यांच्या शिवसेनेपासून स्वतंत्रपणे निवडणूक लढवेल, परंतु त्यांच्या बोलण्याचा सूर मात्र काही वेगळेच सांगून गेलेत ते म्हणाले: “प्रत्येक निवडणुकीत तुम्ही माझ्यावर विश्वास ठेवा आणि मला मतदान करा. यावेळी, माझी फक्त एकच विनंती आहे: कमळाच्या चिन्हावर उभे असलेल्या उमेदवाराला मतदान करा. काम योग्यरित्या पूर्ण करण्यासाठी, कमळाच्या चिन्हाचा उमेदवार निवडा. जर केंद्र आणि राज्य पातळीप्रमाणे महापालिकेत भाजप सत्तेत आला तर अनेक कामे अधिक सहजपणे पूर्ण होतील.”आपल्याला १००% एकतेचे सरकार आणावे लागेल, म्हणजेच भारतीय जनता पक्षाचे.” रवींद्र चव्हाण यांचे “महायुतीऐवजी कमळाचे उमेदवार निवडा” या विधानाची राजकीय वर्तुळात मोठ्या प्रमाणात चर्चा होत आहे.
काही नगरसेवकांनी हे केले नाही. पण आव्हाने काय होती हे मला तुम्हाला सांगण्याची गरज नाही. तुम्ही इतके भोळे नाही आहात.” – रवींद्र चव्हाण
भाषणावेळी त्यांनी थेट नगरसेवकांवर टीका आणि जबाबदारीचा संदेश दिला आहे. रवींद्र चव्हाण म्हणाले, “नगरसेवकांनी त्यांचे काम करावे असे माझे नेहमीच मत आहे. विकास निधी वाटप करणे हे माझे काम आहे, परंतु उर्वरित काम नगरसेवकांनी करावे. काही नगरसेवकांनी हे केले नाही. पण आव्हाने काय होती हे मला तुम्हाला सांगण्याची गरज नाही. तुम्ही इतके भोळे नाही आहात.”
