Times of Maharashtra Desk, Election Update : २ डिसेंबरला महाराष्ट्रात नगरपरिषद निवडणुका होणार आहेत. या पार्श्वभूमीवर सर्वच पक्ष तयारीत आहेत. आणि अशातच सिंधुदुर्गमध्ये होणाऱ्या नगरपरिषद निवडणुकीपूर्वी महायुती तुटल्याबद्दल शिवसेना आमदार निलेश राणे यांनी महाराष्ट्र भारतीय जनता पक्षाचे भाजप अध्यक्ष रवींद्र चव्हाण यांना जबाबदार धरले आहे. नव्याने स्थापन झालेल्या सिंधुदुर्ग शहर विकास आघाडीच्या प्रचारादरम्यान युती भाजपच्या वरिष्ठ नेतृत्वामुळे नाही तर रवींद्र चव्हाणांमुळे तुटली असे म्हणत जोरदार टीका केली आहे. काही दिवसांपासून नीलेश राणे आणि रवींद्र चव्हाण यांच्यात तणाव होता. निलेश राणे यांनी प्रश्न केला की, “जर रत्नागिरीतील राजापूर आणि लांजा येथे शिवसेनेसोबत जागावाटप शक्य होते आणि चिपळूणमध्येही असे समायोजन शक्य होते, तर सिंधुदुर्गबद्दल एवढी नाराजी का?”
जर त्यांनी फक्त माझा फोटो काढून टाकला असता तर ते ठीक झाले असते, परंतु उपमुख्यमंत्री आणि शिवसेना प्रमुख एकनाथ शिंदे यांचा फोटो काढून टाकल्याने आम्हाला त्रास झाला.” – नीलेश राणे
भाजपने शिवसेनेकडून जागा हिसकावून घेतल्याचा आरोप करत त्यांनी दावा केला की, “मालवणमध्ये आम्ही १० जागा सोडण्यास तयार होतो आणि सावंतवाडीमध्ये शिवसेना नेते दीपक केसरकर ५०-५० च्या फॉर्म्युल्यासाठी तयार होते. कणकवलीमध्ये आम्हाला सांगण्यात आले की आम्ही फक्त एक किंवा दोन जागा लढवू शकतो. आमचे फोटो बॅनरवरून काढून टाकण्यात आले. जर त्यांनी फक्त माझा फोटो काढून टाकला असता तर ते ठीक झाले असते, परंतु उपमुख्यमंत्री आणि शिवसेना प्रमुख एकनाथ शिंदे यांचा फोटो काढून टाकल्याने आम्हाला त्रास झाला.” असा म्हणत त्यांनी बीजेपी अध्यक्ष रवींद्र चव्हाण यांच्यावर टीका केली असून त्या पुढे त्यांनी मतभेद असूनही, शिवसेनेने युती कायम ठेवण्याचा प्रयत्न केला त्यामुळे आता भारतीय जनता पक्षाचे ज्येष्ठ नेते नारायण राणे जे काही बोलतील ते त्यांना मान्य असेल.
नीलेश राणेंच्या टीकेवर भाऊ नितेश राणे काय म्हणाले?
नीलेश राणेंचे धाकटे भाऊ, भाजप नेते आणि राज्यमंत्री नितेश राणे यांनी वाद कमी करण्याचा प्रयत्न करत असे म्हटले की त्यांच्या भावाने कोणाचेही नाव घेतले नाही.
तसेच रवींद्र चव्हाण आणि इतर भाजप नेत्यांनी अद्याप नीलेश राणेंच्या आरोपांना उत्तर दिलेले नाही. त्यांच्या म्हणण्या नुसार निर्णय भारतीय जनता पक्षाचे ज्येष्ठ नेते नारायण राणे लवकरच घेतील. त्यामुळे आता बीजेपी नीलेश राणेंच्या प्रश्नांवर काय उत्तर डेल असा प्रश्न सर्वाना पडला आहे.
