Times of Maharashtra,पुणे (मुख्य संपादक मुज्जम्मील शेख) :- राष्ट्रवादी काँग्रेस (अजित पवार गट) मध्ये मोठी हालचाल झाल्याचे स्पष्ट झाले आहे. 2024 मध्ये प्रसिद्ध झालेल्या स्टार प्रचारकांच्या यादीत झळकणारी अनेक नावे 2025 च्या नव्या यादीतून गायब झाली आहेत. आणि या बदलांचा फटका बसला आहे तो थेट अजित पवा
रांच्या विश्वासू गोटाला.
या नव्या यादीतून माजी मंत्री छगन भुजबळ, खासदार सुनेत्रा पवार, अविनाश आदिक, मंत्री दिलीप वळसे, राष्ट्रवादीचे राज्याचे उपाध्यक्ष सलीम सारंग, विद्यार्थी राष्ट्रीय अध्यक्ष चैतन्य (सनी) मानकर, खासदार नितीन पाटील, अल्पसंख्याक सेलचे राष्ट्रीय अध्यक्ष जलीलुद्दीन सय्यद आणि युवक राष्ट्रीय अध्यक्ष धीरज शर्मा यांची नावे पुसली गेली आहेत. ही सर्व मंडळी अजित पवार यांच्याशी घट्ट संबंधीत असल्याचे सर्वश्रुत आहे. त्यामुळे या हालचालीकडे फक्त संघटनात्मक फेरबदल म्हणून पाहणे भोळेपणाचे ठरेल, असे पक्षातील अनेकांना वाटते, 2024 च्या यादीत अजित पवार गटाचा ठसा उमटलेला होता, मात्र 2025 मध्ये सुनील तटकरे यांनी तयार केलेल्या नव्या यादीत तो ठसा जवळजवळ नाहीसा झाला आहे. पक्षातील सूत्रांचे म्हणणे आहे की — “तटकरेंनी संघटनाचा ताबा हळूहळू आपल्या बाजूला ओढला आहे. अजित पवारांच्या आसपासचा प्रभाव कमी करण्यासाठी ही चाल आखली गेली आहे.”
छगन भुजबळ यांना वगळल्याने राष्ट्रवादीत नाराजीचे सूर उमटू लागले आहेत. काही वरिष्ठ कार्यकर्ते या निर्णयाने हादरले असून, “ही केवळ यादी नाही, तर एक राजकीय संदेश आहे,” अशी टिप्पणी गोट्यात ऐकू येत आहे.
राजकीय विश्लेषक सांगतात —
“ही यादी म्हणजे संघटन पुनर्रचना नव्हे, तर
सत्तेच्या केंद्रात चाललेला मूक संघर्ष आहे. तटकरेंनी आता राष्ट्रवादीच्या कंट्रोल बोर्डावर पकड मजबूत केली आहे.”
या यादीचे विशेष म्हणजे तटकरेंच्या एकट्या घरातील अक्षरशः 3 लोक आणि त्यांच्या एकट्या रायगड जिल्ह्यातून 4 जण म्हणजे त्यांचे जवळीक असलेले मुश्ताक अंतुले यांच्याही नावाचे समाविष्ट केले आहे.
एकूणच, राष्ट्रवादी काँग्रेसच्या नव्या स्टार प्रचारक यादीने महाराष्ट्राच्या राजकारणात खळबळ माजवली आहे.
“अजित पवारांच्या जवळीकांना दिला तटकरेंनी दे धक्का!” हेच सध्या राज्यभरात चर्चेचा मुद्दा ठरला आहे.
