Times of Maharashtra: जवळ जवळ 15 वर्षांनी परळी राजकारणात एक ऐतिहासिक क्षण घडला आहे. भाजप आणि राष्ट्रवादी अजित पवार गट यांच्यात युती होणार असून या बाबत भाजप नेत्या पंकजा मुंडे आणि अजित पवार गटाचे आमदार धनंजय मुंडे यांची बैठक होणार आहे. त्यामुळे आता परळीच्या राजकारणात मुंडे भावडांची काय रणनीती असणार हे पहायला मिळणार आहे. परळी नगर परिषदेत तब्बल 15 वर्षांनी धनंजय मुंडे आणि पंकजा मुंडे एकत्र निवडणूक लढवणार आहेत. या युती वर आज दोन्ही नेत्यांकडून शिक्कामोर्तब होणार असून भाजप आणि राष्ट्रवादी या दोन्ही गटात कोण कुठून उभे राहणार याची सध्या चर्चा चालू आहे.
परळीमध्ये एकूण नगरपरिषदेच्या 35 जागा आहेत . या 35 जागामध्ये भाजप 12 ते 15 जागांवर तर राष्ट्रवादी 20 te 23 जागांवर उमेदवार लढवणार असल्याची शक्यता सध्या वर्तवली जात आहे. गेल्या निवडणुकीत परळी मध्ये भाजपला अवघ्या 5 जागांवर विजय मिळाला होता तर राष्ट्रवादी आघाडीने 28 जागा जिंकून विजय मिळवला होता. पण या वेळेस मुंडे बहीण भावाच्या युतीमुळे यावेळी परळी मध्ये कोणाची सत्ता स्थापन होणार हे बघण्या जोग असणार आहे. येत्या काही दिवसातच परळी मध्ये कोण कुठल्या जागी उभे राहणार हे कळणार आहे.
