पनवेल (प्रतिनिधी-अक्षय सस्ते) : पनवेल तालुक्यातील घोटकॅम्प परिसरातील परमशांतीधाम वृद्धाश्रम येथे दिनांक १५ मार्च २०२६ रोजी तिसऱ्या वर्धापन दिनानिमित्त विशेष कार्यक्रमाचे आयोजन करण्यात आले होते.
या कार्यक्रमात सामाजिक बांधिलकी जपत अनेक मान्यवरांनी उपस्थित राहून वृद्धांना शुभेच्छा दिल्या.
या मंगल प्रसंगी पनवेल महानगरपालिकेचे नगरसेवक मा. श्री. नितेश बाळकृष्ण पाटील (भाजप) तसेच नगरसेविका सौ. विजयश्रीताई संतोष पाटील (भाजप) यांनी उपस्थित राहून वृद्धाश्रमातील ज्येष्ठ नागरिकांची सदिच्छा भेट घेतली.
त्यांनी वृद्धांशी संवाद साधत त्यांच्या आरोग्याची आणि सुविधांची विचारपूस केली तसेच संस्थेच्या कार्याचे कौतुक केले.परमशांतीधाम वृद्धाश्रम गेल्या काही वर्षांपासून समाजातील निराधार आणि ज्येष्ठ नागरिकांसाठी सेवा देत आहे.
वर्धापन दिनानिमित्त आयोजित कार्यक्रमात सामाजिक कार्यकर्ते, स्थानिक नागरिक आणि संस्थेचे पदाधिकारी मोठ्या संख्येने उपस्थित होते.
कार्यक्रमादरम्यान ज्येष्ठ नागरिकांना सन्मानित करण्यात आले तसेच त्यांच्या आनंदासाठी विविध उपक्रमांचे आयोजन करण्यात आले. उपस्थित मान्यवरांनी अशा सामाजिक उपक्रमांना समाजातील सर्व घटकांनी पाठिंबा देण्याचे आवाहन केले.
