परभणी:(प्रतिनिधि अनिल शेटे) रिसोड येथील घरफोडी प्रकरणातील चोरीचे सोने गंगाखेड येथील एका सरफा व्यावसायिकाने खरेदी केले होते.दरम्यान रिसोड पोलीस व वाशिम स्थानिक गुन्हे शाखेच्या पथकाने चोरट्याना गंगाखेड येथे घेऊन आले.यावेळी चोरट्यानी सोने विक्री केलेले दुकान पोलीसाना दाखवले.पोलीसानी सदरील सराफा व्यावसायिककडून चोरीचे १० तोळे सोने हस्तगत केले.यामुळे सराफा बाजारपेठेत मोठी खळबळ उडाळी.ही घटना दि.२० जुलै रोजी सोमवारी घडली.
वाशिम जिल्हातील रिसोड शहरात दि.६ जुन रोजी अनंत काॅलनी येथील अमोल खडसे याच्या घरफोडी झाली होती.चोरट्यानी या घरफोडीत अंदाजे १२ तोळे सोने व ९ तोळे चांदी , रोक दोन लाख रूपये अशी चोरी झाली होती.या चोरीचा तपास लावुन रिसोड पोलीसानी एका चोरट्यास पकडले. चोरट्यास पोलीसानी पकडल्यानंतर चोरीचे सोने गंगाखेड जि.परभणी येथिल सराफा व्यवसायीकास विक्री केल्याचे चोरट्याने सांगितले.चोरीच्या सोन्यासाठी चोरट्यास घेऊन रिसोड पोलीस ठाण्याचे पथक व वाशिम जिल्हातील स्थानिक गुन्हे शाखेचे पथम असे दोन पथक गंगाखेड शहरात दाखल झाले होते.हे पथक दाखल होताचा पन्नास टक्के सराफा बाजारपेठेत व्यवसायीकानी बंद केली.अनेकानी याची धास्ती घेतली.कारण गंगाखेड शहरात चोरीचे सोने खरेदी करणारे व्यवसायीक वाढत असल्याचे या घटनेवरून दिसुन येते.वाशिम जिल्हातील पोलीस पथकाने आणलेल्या चोरट्यास बाजारपेठेत फिरवत सोने विक्री केलेल्या दुकानाचा शोध घेत होते.दरम्यान चोरट्याने दुकानाची ओळख दाखवली. वाशिम पोलीसानी सदरील व्यापा-याची चौकशी केली.चौकशीत चोरीचे सोने घेतल्याचे पुढे आले.वाशिम पोलीसानी सराफा व्यापाऱ्यांकडून चोरीचे १० तोळे सोने हस्तगत केले.सोने हस्तगत करण्याची कारवाई करण्यासाठी दोन ते तीन तास लागले.यावेळी सराफा बाजारपेठेत पोलीस चोरट्याला घेऊन आलेले दृश्य पाहण्यासाठी मोठी गर्दी जमल्याचे दिसुन आले.वाशिम पोलीसानी सराफा व्यापाऱ्यांकडून १० तोळे सोने हस्तगत करून नोटीस देण्यात आली.यानंतर चोरट्यास घेऊन पोलीस वाशिमकडे आणलेल्या दोन जीप वाहनातुन निघुन गेले. या घटनेत काही दुकाने बंद झाल्याने शहरात चोरीचे सोने खरेदी करणारे अनेक व्यवसायीक असल्याचे समोर आले.यापुर्वी चोरीचे सोने खरेदी केल्याच्या घटना घडल्या होत्या.
