Times of Maharashtra desk: राष्ट्रवादी शरद पवार गटाचे आमदार रोहित पवार यांनी नुकतेच काही दिवसांपूर्वी मतदान यादीत कोणत्या प्रकारे घोळ केला जाऊ शकतो या वर भाष्य करत अमेरिकेचे राष्ट्रपति डोनाल्ड ड्रम यांच्या नावावर बनावट आधार कार्ड बनवून प्रत्यक्षित दाखवले. पण हे प्रकरण रोहित पवारना चांगलेच भारी पडले आहे. बनावाटी आधार कार्ड प्रकरणी रोहित पवार यांच्यावर दक्षिण मुंबईतील सायबर ठाण्यात गुन्हा दाखल झाला आहे. गुन्हा दाखल होताच पुणे येथे घेतलेल्या पत्रकार परिषदेत रोहित पवार यांनी संताप व्यक्त करत प्रतिक्रिया व्यक्ति केली आहे.
नक्की की प्रतिक्रिया रोहित पवार यांनी दिली?
रोहित पवार म्हणाले, दोन दिवसांपूर्वी देवेंद्र फडणवीसांनी पत्रकारांशी बोलताना सांगितलं की, रोहित पवारांनी पॅनकार्ड केलं. खरंतर ते पॅनकार्ड नव्हतं, ते आधार कार्ड होतं. त्यांना कोणीतरी चुकीची माहिती दिली. जे आधार कार्ड बनवलं, त्याप्रकरणी रोहित पवारांवर गुन्हा दाखल केला जाईल, असं ते म्हणाले. देवेंद्र फडणवीस असं म्हणाले, त्यानंतर आम्हाला वाटलं त्यांना कोणतरी चुकीची माहिती दिली. . मात्र, त्यांनी प्रतिक्रिया दिल्यानंतर दोन तासांत एक एफआयआर नोंदवण्यात आला. मी टीव्हीसमोर वोटचोरीबद्दल केलं, त्याबद्दलचा आहे. आधारकार्डचा वापर करुन खोटे मतदार कसे नोंदवले गेले? हे मी मीडियाच्या माध्यमातून सर्वांना दाखवलं. हा एफआयआर या व्हिडीओसंदर्भात आहे. जर एखादा व्यक्ती अंधश्रद्धेविरोधात जनजागृती करत असेल आणि त्याच्याविरोधात कारवाई केली झाली तर काय बोलणार? अशा प्रकारे माझ्याबाबत कारवाई करण्यात आली आहे. देवेंद्र फडणीवीसांनी फोन केला असता तर मी स्वत: आलो असतो. तुम्ही चिरकुट गोष्टीसाठी पोलिसांचा वेळ घालवला. 40 पैसेवाले भाजपचे सोशल मीडियावरील कार्यकर्ते आहेत, त्यांनी ही तक्रार दिली आहे. अशी संतप्त प्रतिक्रिया रोहित पवार यांनी दिली आहे.
