Times Of Maharashtra Desk : पुणे ग्रामीण पोलिसांनी शिरुरमध्ये मोठी कारवाई करून तब्बल २५ कोटी रुपयांच्या ड्रग्स जप्त केल्या आहेत. या कारवाईत एक किलो मेफेड्रॉन व इतर ड्रग्ससह तीन आरोपींना ताब्यात घेण्यात आले आहे. प्रमुख आरोपीने अहिल्यानगरमधील एका पोलीस कर्मचाऱ्याने त्याला ड्रग्स पुरवल्याची माहिती दिल्याने प्रकरण अधिक गंभीर बनले आहे.
राष्ट्रवादी काँग्रेसचे आमदार रोहित पवार यांनी या घटनेवर प्रतिक्रिया व्यक्त केली असून, म्हणाले
जर पोलिसांकडूनच ड्रग्स माफियांना साथ दिली जात असेल, तर ही राज्यासाठी मोठी धोक्याची घंटा आहे. अशा प्रकारच्या घटनांमुळे पोलिसांच्या प्रतिमेला मोठा डाग लागतो.
ते म्हणाले की या प्रकरणाची सखोल चौकशी केली जावी आणि दोषींवर कठोर कारवाई होणे अत्यावश्यक आहे. काल अहिल्यानगर LCB शाखेतील नार्कोटिक्स टेबल सांभाळणाऱ्या एका पोलीस कर्मचाऱ्याला पुणे पोलिसांनी ताब्यात घेतले आहे.
पुणे ग्रामीण पोलिसांनी म्हटले की, ही कारवाई गुन्हेगारी नेटवर्कचा संपूर्ण तपास करण्यासाठी महत्त्वाची पाऊल आहे. राज्यातील ड्रग्सव्यवसायावरील नियंत्रणासाठी पुढील कारवाईसही जोर दिला जाणार आहे.
