Times of Maharashtra Desk: बलात्काराच्या घटनेने पुणे पुन्हा हादरले आहे. पुण्यातील विश्रांतवाडी परिसरातून एक धक्कादायक प्रकार समोर आला आहे. एका अल्पवयीन मुलीवर एका तरुणाने बलात्कार केला केल्याची घटना समोर आली आहे. हि घटना ४ डिसेंबर रोजी घडली असून मुलीने तिच्या कुटुंबाला या घटनेची माहिती दिली आणि त्यानंतर पीडितेच्या कुटुंबाने तातडीने पोलिस ठाण्यात धाव घेतली ,त्यानंतर पोलिसांनी कारवाई सुरू केली आहे. या घटनेमुळे परिसरात खळबळ उडाली आहे.
पोलिसांनी दिलेल्या माहितीनुसार आरोपीने मुलीला शाळेत घेऊन जातो सांगून तिच्यावर अत्याचार केले . आरोपीचे नाव मुनाकिब नासिर अन्सारी असून आरोपी देखील महाविद्यालयीन विद्यार्थी आहे. तो आणि पीडित मुलगी काही दिवसांपूर्वी बस स्टॉपवर भेटले होते. ४ डिसेंबर रोजी त्याने तिला शाळेत सोडण्याचे आश्वासन देऊन विश्वासात घेतले आणि आपल्या दुचाकीवर बसवले.तिला शाळेत नेण्याऐवजी आरोपीने तिला एका खोलीत नेले, जिथे त्याने तिच्यावर अत्याचार केल्याची माहिती मिळाली आहे. पीडितेने तिच्या कुटुंबाला सर्व काही सांगितले. विलंब न करता, कुटुंबाने तात्काळ विश्रांतवाडी पोलिस ठाण्यात जाऊन आरोपी मुलाविरुद्ध तक्रार दाखल केली.तक्रारीनंतर पोलिसांनी तात्काळ तपास सुरू केला, आरोपीचा शोध घेतला आणि त्याला अटक केली आहे. विश्रांतवाडी पोलिसांनी आरोपीविरुद्ध भारतीय दंड संहितेच्या संबंधित कलमांखाली गुन्हा दाखल केला आहे आणि पुढील तपास सुरू आहे. या घटनेमुळे परिसरात चिंतेचे वातावरण निर्माण झाले आहे आणि राज्यात सतत घडणाऱ्या घटनांमुळे महिलांच्या सुरक्षिततेवर प्रश्नचिन्ह उपस्थित झाले आहे.
