Times of Maharashtra Desk: मनसेप्रमुख राज ठाकरे यांनी आज 3 नोव्हेंबर रोजी शिवसेना खासदार संजय राऊत यांची त्यांच्या निवासस्थानी जाऊन भेट घेतली . राज ठाकरेंनी संजय राऊतांच्या तब्येतीची विचारपूस केली आणि त्यांना आवश्यक तो सल्ला दिला अशी माहिती मिळाली आहे. ठाकरे गटाचे आमदार आणि संजय राऊतांचे बंधू सुनील राऊत यांनी सांगितले की, “राज ठाकरे तब्बल 20 वर्षांनंतर आमच्या घरी आले. आम्ही खूप आनंदी आहोत.” सुनील राऊत यांनी सांगितले की , राज ठाकरे संजय राऊतांच्या तब्येतीसंबंधी सतत संपर्कात होते. पण ते इतक्या वर्षानी घरी आल्याने आम्हाला आनंद झाला आहे.
नेमक बैठकीत काय घडल?
राज ठाकरे आणि संजय राऊत यांच्यात सुमारे 25-30 मिनिटांची चर्चा झाली. या वेळी राज ठाकरे यांनी संजय राऊतांना सल्ला दिला की, “तुझा आजार लक्षात घेता, लोकांमध्ये न जाता दीड ते दोन महिने आराम करावा.” सुनील राऊत यांनी सांगितले की, राज ठाकरेंनी यूएसमध्ये उपचार करायचे की अन्य उपाय करायचे याबाबतही चर्चा केली. त्याशिवाय, आधी घरी आलेल्या वेळी रस्त्याची स्थिती कशी होती याबाबतही चर्चा झाली.संजय राऊत यांना काही दिवसांपूर्वी गंभीर आजाराचे निदान झाले होते. डॉक्टरांनी त्यांना विश्रांती घेण्याचा सल्ला दिला होता, परंतु त्यांची प्रकृती अपेक्षेपेक्षा लवकर सुधारत असल्याची माहिती मिळाली आहे.यापूर्वीच, उद्धव ठाकरे यांनीही संजय राऊत यांच्या भांडूप येथील मैत्री बंगल्यावर जाऊन तब्येतीची विचारपूस केली होती. उद्धव ठाकरेंच्या मते, संजय राऊत लवकरच राजकारणात पुन्हा सक्रिय होतील. सध्या ते घरातून सोशल मीडियावरून राजकीय घडामोडींवर भाष्य करत आहेत.
