Times of Maharashtra Desk Political Update: राष्ट्रवादी गटाच्या रूपाली ठोंबरे पाटील आणि रूपाली चाकणकर यांच्यात पुनः एकदा वादाची ठिणगी पेटली आहे. काही दिवसांपूर्वी फलटण डॉक्टर आत्महत्या प्रकरणी रूपाली चाकणकर यांनी वादग्रस्त विधान केले होते त्यावरून रूपाली चाकणकर यांच्यावर अनेक टीका केल्या गेल्या . तर त्याच वेळी रूपाली ठोंबरे पाटील यांनी पीडितेच्या घरच्यांची भेट घेत उपमुख्यमंत्री अजित पवार यांच्याशी त्यांचा संपर्क करून दिला होता. या वेळी पीडितेच्या कुटुंबियानी रूपाली चाकणकरांविषयी नाराजी व्यक्त केली होती. तेव्हा पासून रुपाली चाकणकर आणि रुपाली ठोंबरे पाटील यांच्यात वादाची ठिणगी पडली आहे. ही ठिणगी आता अधिकच भडकली आहे .पुण्यातील माधवी खंडाळकर या महिलेने फेसबुक लाईव्ह करुन रुपाली ठोंबरे यांच्यावर केलेल्या गंभीर आरोपानंतर हा वाद अधिकच टोकाला गेल्याचे दिसून येतं
नक्की आरोप काय?
रूपाली ठोंबरे पाटील यांनी गुंड पाठवून मारहाण करण्यात आल्याचा दावा एका महिलेने केला होता, याबाबतचा व्हिडिओ मोठ्या प्रमाणावर सोशल मीडियावर व्हायरल झाला आहे. या महिलेचे नाव माधवी खंडाळकर असून त्या पूर्वी राष्ट्रवादी पक्षात होत्या अस बोलल जाते .मारहाणीनंतर ही महिला रक्तबंबाळ झाल्याचं व्हिडीओमध्ये दिसून येत होतं.पण आता काही वेळ पूर्वी हा आमच्यातील कौटुंबिक वाद आहे याचे राजकारण करू नाक असे म्हणत त्यांनी माघार घेतली आहे.
रूपाली ठोंबरे पाटील यांचा रूपाली चाकणकर यांच्यावर आरोप म्हणाल्या..
रूपाली चाकणकर नी आपल्यावरील याच राजकीय डावाचा बदला घेण्यासाठी माधवी खंडाळकर यांना एक व्हिडिओ करायला लावला असा आरोप करत रूपाली ठोंबरे पाटील यांनी चाकणकरांवर संताप व्यंकट केला आहे. रूपाली चाकणकर या महिलाना आधी पासून त्रास देत आल्या आहेत असा देखील त्यांनी आरोप केला आहे. महिला आयोगाच्या अध्यक्षा रुपाली चाकणकर यांनी माधवी खंडाळकर यांना असा व्हिडिओ करण्यासाठी प्रवृत्त केलं असा हल्लाबोल रुपाली ठोंबरे यांनी चाकणकरांवर केला आहे. यापूर्वी देखील चाकणकरांनी अनेक महिलांना धमक्या दिल्या आणि असे व्हिडिओ तयार करायला लावले आहेत, असाही आरोप केला आहे. एवढच असेल तर कामातून लढा , मी माझ्या कामातून बोलते असा म्हणत त्यांनी रूपाली चाकणकर यांना चांगलेच खडे बोल सुनावले आहेत.
