जळगाव ( प्रतिनिधी विनोद पवार ) : सेवाग्राम आश्रम येथे आयोजित विशेष कार्यक्रमात राष्ट्रीय पुरोगामी पत्रकार संघाचे जळगाव जिल्हाध्यक्ष सुरसिंग पाटील यांना गांधी पीस फाउंडेशन (काठमांडू, नेपाळ) यांच्या वतीने मानद डॉक्टरेट (Honorary Doctorate) प्रदान करून सन्मानित करण्यात आले.
पत्रकारिता व सामाजिक कार्य क्षेत्रातील त्यांच्या उल्लेखनीय योगदानाची दखल घेत हा सन्मान देण्यात आला. सुरसिंग पाटील यांनी पत्रकारितेच्या माध्यमातून समाजातील विविध प्रश्नांना वाचा फोडत सामाजिक बांधिलकी जपत सातत्याने कार्य केले आहे.
यापूर्वीही त्यांनी विविध सामाजिक उपक्रमांमध्ये सक्रिय सहभाग घेत महत्त्वपूर्ण योगदान दिले असून, त्यांच्या या कार्याची दखल घेत आयोजकांकडून त्यांना हा मानाचा सन्मान प्रदान करण्यात आल्याचे सांगण्यात आले.
या सन्मानामुळे राष्ट्रीय पुरोगामी पत्रकार संघाची प्रतिष्ठा अधिक उंचावली असून, महाराष्ट्रभरातून तसेच विविध स्तरांतून सुरसिंग पाटील यांच्यावर शुभेच्छांचा वर्षाव होत आहे. संघटनेच्या पदाधिकाऱ्यांनी व पत्रकार बांधवांनी हा सन्मान संपूर्ण संघटनेसाठी अभिमानाची बाब असल्याची भावना व्यक्त केली.
