शरद पवारांची मोठी घोषणा : आगामी निवडणुकांबाबत स्पष्ट संकेत, नव्या नेतृत्वाला मिळणार मोठी संधी

मुंबई : राष्ट्रवादी काँग्रेस (शरद पवार गट) पक्षाच्या २६ व्या वर्धापन दिनानिमित्त आयोजित कार्यक्रमात पक्षाध्यक्ष शरद पवार यांनी कार्यकर्त्यांना उद्देशून महत्त्वपूर्ण घोषणा केली. आगामी निवडणुकांबाबत स्पष्ट संकेत देत, त्यांनी नव्या पिढीला संधी देण्याची गरज अधोरेखित केली. तसेच देशाच्या सुरक्षेपासून शेजारील देशांशी संबंधांपर्यंत अनेक मुद्द्यांवर त्यांनी स्पष्ट आणि ठाम भूमिका मांडली.

Advertisement by Unique Computers

प्रत्येक तालुक्यात नवीन चेहऱ्यांची गरज

पवार यांनी स्पष्टपणे सांगितले की, “प्रत्येक तालुका व जिल्ह्यात नवे चेहरे दिसले पाहिजेत. कर्तृत्ववान कार्यकर्त्यांना प्रतिष्ठा मिळाली पाहिजे, जेणेकरून राज्य चालवण्यास सक्षम नेतृत्व घडू शकेल.”

राष्ट्रहित व राष्ट्रीय सुरक्षा सर्वोच्च

देशाच्या सुरक्षेबाबत बोलताना पवार म्हणाले, “पहलगाममध्ये जेव्हा हल्ला झाला, तेव्हा आम्ही सरकारवर टीका केली नाही. कारण देशाच्या सुरक्षेसंदर्भात कोणताही कठोर निर्णय घेतला जात असेल, तर त्याचं समर्थन करायला हवं. राष्ट्रहित हे सर्वोच्च आहे.”

शेजारील देशांशी सुसंवादाचा अभाव चिंताजनक

शेजारील देशांशी असलेल्या नातेसंबंधांवर चिंता व्यक्त करत पवार म्हणाले, “आज पाकिस्तान, बांगलादेश, चीन, श्रीलंका हे आपले मित्र राहिलेले नाहीत. या देशांशी संवादाची स्थिती सरकारने जाणीवपूर्वक दुर्लक्षित केली आहे. हे भविष्या साठी चिंताजनक आहे.”