Times of Maharashtra Desk : कोंढवा खुर्द-कौसरबाग (प्रभाग १९) येथून राष्ट्रवादी काँग्रेस (शरद पवार गट) तर्फे परवीन हाजी फिरोज निवडणूक लढवत आहे. 1 लाख लोकसंख्या असलेल्या या प्रभागात परवीन यांनी लोककल्याण आणि स्थानिकांचा विकास हा ध्यास घेतल्याचे पाहायला मिळत आहे. त्यांनी आपल्या परिसरातील रस्ते, पायाभूत सुविधा आणि मूलभूत सुविधांसाठी सातत्याने कार्य केले आहे. स्वच्छता मोहिमांमध्ये पुढाकार घेत, कचरा व्यवस्थापन व्यवस्थित करण्यात सतत भर दिला आहे. तसेच महिला-युवकांसाठी सुरक्षित वातावरण उपलब्ध करून देण्याचा त्यांचा प्रयत्न असतो.
परवीन यांची दृष्टी प्रत्येक नागरिकासाठी समान संधी उपलब्ध करून देण्याची आहे. त्यांनी नेहमीच समुदाय संवाद, समस्या ऐकणे आणि तत्काळ उपाययोजना करण्यावर विश्वास धरला आहे. आज कोंढवा खुर्द-कौसरबागमध्ये नव्या ऊर्जा आणि वास्तविक बदलासाठी परवीन हाजी फिरोज या निवडणुकीत उभ्या आहेत. महिला आज सर्वच क्षेत्रात काम करताना दिसतात. त्यामुळे एक महिला देखील या भागाचे नेतृत्व चांगल्या प्रकारे करू शकते असे मत अनेक महिला मतदारांनी व्यक्त केलं आहे.
