रुपेश देशमुख (ब्रम्हपुरी प्रतिनिधी) : तालुक्यातील मौजा देऊळगाव-बेलगाव (प्लॉट) येथे छत्रपती शिवाजी महाराज यांची जयंती मोठ्या उत्साहात व जल्लोषात साजरी करण्यात आली. गावातील शिवप्रेमी नागरिक, युवक व महिला मोठ्या संख्येने या कार्यक्रमात सहभागी झाले होते.
या जयंती सोहळ्याला मुख्य मार्गदर्शक म्हणून सुधीर शिवरकर (माजी उपसरपंच, तोरगाव बूज.), केराम साहेब (कृषी अधिकारी, ब्रम्हपुरी) तसेच गौरव बुल्ले हे उपस्थित होते. कार्यक्रमाचे उद्घाटन योगेश राऊत (माजी सरपंच, तोरगाव बूज.) यांच्या हस्ते पार पडले. सह–उद्घाटक म्हणून विनोद भाऊ बुल्ले (माजी सरपंच, बेलगाव) तर सत्कारमूर्ती म्हणून सुधीर पिलारे (सरपंच, बेलगाव) यांचा गौरव करण्यात आला.
कार्यक्रमाच्या अध्यक्षस्थानी नेताजी भाऊ मेश्राम (माजी सभापती, पंचायत समिती ब्रम्हपुरी) होते. यावेळी उपाध्यक्ष म्हणून कपिल भाऊ राऊत (दिघोरी), विलास दानी (ब्रम्हपुरी) यांनी जबाबदारी सांभाळली. याशिवाय गणेश पिलारे, नानाजी अवसरे, रतीराम पिलारे, ईश्वर तुपट, भोजराज मैंद, मनोज अवसरे, मनोहरजी पिलारे, देवदत्त वांढरे, अंबरजी उरकुडे, निकिताबाई मसराम, मंगला बाई तुपट, दिशाताई तुपट, मीराबाई बुल्ले आदी मान्यवर मोठ्या संख्येने उपस्थित होते.
कार्यक्रमाची सुरुवात शिवाजी महाराजांच्या प्रतिमेला पुष्पहार अर्पण करून करण्यात आली. यानंतर मान्यवरांनी आपल्या भाषणातून छत्रपती शिवाजी महाराजांच्या शौर्य, स्वराज्यनिर्मिती, सामाजिक न्याय व आदर्श प्रशासन या विचारांवर प्रकाश टाकला. युवकांनी शिवाजी महाराजांचे विचार अंगीकारून समाजहितासाठी कार्य करावे, असे आवाहन यावेळी करण्यात आले.
कार्यक्रम यशस्वी होण्यासाठी देऊळगाव-बेलगाव (प्लॉट) येथील शिवजयंती उत्सव समिती, ग्रामस्थ व युवकांनी विशेष परिश्रम घेतले. शेवटी आभार प्रदर्शनानंतर हा जयंती सोहळा उत्साहात व शांततेत संपन्न झाला.
