Times of Maharashtra Desk, Pune : पुण्यातील सय्यदनगर परिसरात 26 ऑक्टोबर रोजी रात्री 8 च्या सुमारास हॉटेल व्यवसायिकावर 8 जणांनी एकत्रितपणे प्राणघातक हल्ला केल्याने परिसरात एकच खळबळ उडाली आहे. धारदार शस्त्र आणि लाकडी काठ्यांनी केलेल्या या हल्ल्यात व्यवसायिक गंभीर जखमी झाला असून काळेपडळ पोलिस ठाण्यात 27 ऑक्टोबर रोजी गुन्हा दाखल करण्यात आला आहे.
पोलिसांच्या माहितीनुसार, हुसैन मुसर्रका कादरी (वय ३९, रा. हांडेवाडी रोड, पुणे) हे हॉटेल आणि फळ विक्रीचा व्यवसाय करतात. दिनांक २६ ऑक्टोबर रोजी रात्री सुमारे ८ वाजताच्या सुमारास ते सय्यदनगर येथील गल्ली क्रमांक १ मध्ये असताना अमजद अफजल शेख, अकबर अफजल शेख, आयान अमजद शेख,
मुद्दसर सलीम शेख, मजहर काजी, अशपाक अफजल शेख, जावेद बागवान व इतर अनोळखी इसम
सर्व रा. सय्यद नगर महंमदवाडी पुणे त्यांच्या साथीदारांनी एकत्र येऊन त्यांच्यावर अचानक हल्ला चढवला. आरोपींनी धारदार लोखंडी शस्त्र व लाकडी काठ्यांचा वापर करून कादरी यांना मारहाण केली.
हल्ल्यानंतर आरोपी घटनास्थळावरून पसार झाले. या घटनेत कादरी गंभीर जखमी झाले असून त्यांच्यावर उपचार सुरू आहेत. या प्रकरणी पोलिसांनी जुने कलम IPC ३०७, १४३, १४७, १४८, १४९, ५०४, ३४२ व नवीन कलम BNS कलम १०९, ११८(२), ११५(२) १८९(२), (४), १९१ (२) (३), १९०, ३५२ अंतर्गत गुन्हा दाखल केले आहे. यामध्ये एक आरोपी अटक आहे. तर बाकीचे आरोपी आणखीन फरार आहे.
या घटनेचा तपास वरीष्ठ पोलीस निरीक्षक मानसिंग पाटील यांच्या मार्गदर्शनाखाली सहाय्यक निरीक्षक विलास सुतार करत आहेत. पोलिसांनी आरोपींच्या अटकेसाठी पथक रवाना केले असून घटनेमुळे परिसरात तणावाचे वातावरण निर्माण झाले आहे.
या घटनेमध्ये असलेल्या आरोपींपैकी काहींवर अनेक गंभीर स्वरूपाचे गुन्हे दाखल असून यांच्यावर मोक्का अंतर्गत कारवाई करावी अशी मागणी काही संघटना व नागरिकांकडून करण्यात येत आहे.
