देऊळगाव राजा (प्रतिनिधी बबनराव नागरे) : देऊळगाव राजा तालुका सेवानिवृत्त कर्मचारी संघटनेच्या वतीने डॉ. बाबासाहेब आंबेडकर यांची जयंती मोठ्या उत्साहात साजरी करण्यात आली. विरंगुळा भवन येथे आयोजित या कार्यक्रमाला संघटनेचे अध्यक्ष बळीराम मापारी, प्रमुख पाहुणे दत्तवाल भाऊ तसेच शेळके सर व शेळके ताई यांची प्रमुख उपस्थिती होती.
कार्यक्रमाची सुरुवात बाबासाहेबांच्या प्रतिमेला पुष्पहार अर्पण करून करण्यात आली. यावेळी प्रा. डोईफोडे, गवई सर, शांतीलाल निरफळे, रायमल सर, नरोडे सर, गोविंदराव अहिरे, घनश्याम भंडारे, मधुकरराव धुळे, शिवरकर सर आदी मान्यवरांनी मार्गदर्शन केले. त्यांनी बाबासाहेबांनी दिलेला सामाजिक न्याय, समता, बंधुता आणि शिक्षणाचा संदेश आजही तितकाच प्रेरणादायी असल्याचे सांगितले.
उपस्थितांनी बाबासाहेबांच्या विचारांचे अनुसरण करून समाजात सकारात्मक बदल घडवण्याचा संकल्प व्यक्त केला. कार्यक्रमाच्या शेवटी आशा भोसले यांना श्रद्धांजली अर्पण करण्यात आली.
कार्यक्रमाचे प्रास्ताविक अहिरे सर यांनी केले, तर आभार प्रदर्शन बोरकर साहेब यांनी मानले. कार्यक्रमाला नागरिक व संघटनेचे सदस्य मोठ्या संख्येने उपस्थित होते.
