जळगाव जिल्हा प्रतिनिधी – विनोद पवार
Times of maharashtra Desk : जळगाव महानगरपालिकेच्या ७५ जागांसाठी झालेल्या निवडणुकीचा निकाल जाहीर झाला असून महायुतीला स्पष्ट बहुमत मिळाले आहे. भाजप, शिवसेना व राष्ट्रवादी (अजित पवार गट) यांच्या एकत्रित कामगिरीमुळे शहरावर भगवा फडकला आहे. भाजपचे ४५, शिवसेनेचे २३, राष्ट्रवादी अजित पवार गटाचे ३, उबाठा ५ तर अपक्ष १ उमेदवार विजयी झाले आहेत. सत्तेसाठी आवश्यक असलेला ३८ चा बहुमताचा आकडा महायुतीने सहज पार केला आहे.
उबाठा गटाचे ५ उमेदवार विजयी
शिवसेना (उद्धव बाळासाहेब ठाकरे) गटाला ५ जागांवर समाधान मानावे लागले, तर अपक्षांना एकाच जागेवर यश मिळाले.
महापौर भाजपचा, उपमहापौर शिवसेनेचा?भाजप सर्वाधिक जागा जिंकल्याने महापौर पद भाजपकडे जाण्याची शक्यता आहे, तर महायुतीतील घटक म्हणून शिवसेनेकडे उपमहापौर पद मिळण्याची दाट शक्यता वर्तवली जात आहे . राष्ट्रवादी अजित पवार गटालाही स्थायी समिती सभापती किंवा महत्त्वाचे खाते मिळण्याची शक्यता आहे.
