पुणे | २४ डिसेंबर २०२५ : पुणे शहरातील कॅम्प परिसरात राज्य उत्पादन शुल्क विभागाने मोठी कारवाई करत परराज्य स्कॉच, वाईन व इतर मद्याचा साठा जप्त केला आहे. बाबाजान चौक, कॅम्प, पुणे येथे करण्यात आलेल्या या कारवाईत एकूण 94 बाटल्या (32 ब्रँड्स) जप्त करण्यात आल्या असून, ₹ 8,00,699 रुपयांचा मुद्देमाल हस्तगत करण्यात आला आहे.
अधीक्षक राज्य उत्पादन शुल्क, पुणे यांनी दिलेल्या माहितीनुसार सदर कारवाई निरीक्षक, ‘ए’ विभाग, पुणे यांच्याकडून करण्यात आली. या प्रकरणी महाराष्ट्र दारूबंदी कायदा (MPA) कलम 65, 80, 81, 83 व 108 अंतर्गत गुन्हा दाखल करण्यात आला आहे.
कारवाईदरम्यान परराज्य मद्य वाहतुकीसाठी वापरण्यात आलेले चारचाकी वाहन (एर्टिगा) तसेच 3 मोबाईल फोन जप्त करण्यात आले आहेत. या प्रकरणात राजेश बसंतानी व प्रकाश बसंतानी या दोन आरोपींना अटक करण्यात आली आहे.
ही कारवाई मा. अधीक्षक राज्य उत्पादन शुल्क, पुणे व मा. उपअधीक्षक राज्य उत्पादन शुल्क, पुणे शहर यांच्या मार्गदर्शनाखाली पार पडली. तपास अधिकारी म्हणून व्ही. एस. कौसडीकर (निरीक्षक), देवदत्त पोटे (निरीक्षक), आर. एस. माने (दुय्यम निरीक्षक), हितेश पवार, विजय सूर्यवंशी, किरण पाटील, दिनेश सूर्यवंशी (सर्व दुय्यम निरीक्षक) यांनी सहभाग घेतला.
या कारवाईत पूजा किरतकुडवे, श्रीधर टाकळकर, अमोल यादव, अक्षय म्हेत्रे, जानवी शेडगे व समीर पडवळ या कर्मचाऱ्यांनी मोलाची मदत केली.
राज्य उत्पादन शुल्क विभागाकडून परराज्य मद्याच्या बेकायदेशीर विक्री व वाहतुकीविरोधात कठोर कारवाई सुरू राहणार असल्याचे अधिकाऱ्यांनी स्पष्ट केले आहे.
